Xiania. 2. Ada

Har du lest den første boka om Xiania (uttalast Krist iania) ? I bok nummer to får me forhistoria til Ada, som me møtte i bok ein. Me fylgjer henne frå barndommen på slutten av 1800-talet, og gjennom ungdomstida og inn i vaksenverda. Tempoet i boka er godt, språket er rått og upolert, og forfattaren gir slett ikkje noko glansbilete av gamledagar i desse bøkene. For dei fattige er livet hardt og nådelaust. Lotta Elstad viser ein imponerande kunnskap om tidsperioden - om byen, gatene, kulturen, politikken, helsevesenet og levekåra. Mange lesarar vil nok kjenna seg glad for å leva nå og ikkje då. Og så er det imponerande kva me menneske klarer å leva med når me ikkje har noko anna val enn å kjempa og stå på. Ei forfriskande annleis bok om «gamledagar»!