Utlån

Utlån skjer ved skranken eller ved utlånsautomatane.

For å bruka utlånsautomatane må du ha med lånekort eller nytta strekkoden i Bibliofil-appen.

Utlånsreglar:

Det er gratis å låne for alle.

Alle som skal låne må ha lånekort. Lokalt lånekortet gjeld på alle bibliotekavdelingane i Hå kommune, nasjonalt lånekort kan nyttast i alle bibliotek i Norge. Dersom du har fått utstedt eit nasjonalt lånekort ved eit anna bibliotek, kan du bruke det.

Vaksne (over 18 år)

Du kan få utstedt nasjonalt lånekort ved personleg oppmøte og mot framvising av godkjent legitimasjon*. Dersom du ikkje kan vise fram godkjent legitimasjon*, kan du få utstedt lokalt lånekort mot framvising av anna legitimasjon med bilete.

Barn (under 18 år)

Alle barn kan få lånekort, men barn under 15 år må fylle ut eit registreringsskjema med kontaktinformasjon til foresette. Barnet må møte med foresett første gong det blir utstedt lånekort og foreldre må vise legitimasjon (Unntak: Når barn får nytt lånekort ved skulebesøk, held det med underteikna skjema frå foresette).

Frå fylte 15 år, kan du få utstedt lånekort sjølv – anten nasjonalt lånekort mot framvising av godkjent legitimasjon* eller lokalt lånekort mot å visa fram anna legitimasjon med bilete (til dømes skulekort).

Lånetida er normalt 4 veker. For DVD er lånetida 1 veke. Lånet kan fornyast inntil tre gongar dersom materialet ikkje er bestilt av andre.

Lånaren er ansvarleg for det materialet som er lånt på lånekortet, og ved tap og skader må materialet erstattast. Eigar av lånekort kan gjerast ansvarleg for tap biblioteket blir påført ved at andre misbruker kortet. For materiale lånt av barn/ungdom opp til 18 år, er foresette ansvarlege.

Lånaren må overhalda fastsett lånetid. Purring blir sendt dersom materialet ikkje blir levert i rett tid. Lånarar over 15 år må betale purregebyr etter vedtekne satsar. Dersom materialet ikkje blir levert ved tredje purring, reknast materialet for tapt, og saka blir sendt til Hå kommune for innkreving.Tapt materiale må erstattast etter gjeldande pris på materialet pluss fakturagebyr. Unntak frå dette er materiale innlånt frå andre bibliotek. Desse blir krevd erstatta etter pålydande på faktura fra eigarbiblioteket.

Lånar er ansvarleg for å melde frå om ny adresse, e-postadresse eller telefonnummer og eventuelle tap av lånekort.

Institusjonar kan etter avtale få lånekort for materiale som skal brukast til eigen verksemd. Institusjonen må oppgje ein ansvarsperson. Tap og skader må erstattast etter same reglar som for personlege lånarar.

Utlån blir registrert på data, og blir sletta når materialet er levert inn. Biblioteket har eit lånarregister som stemmer med føresegner frå Datatilsynet.

Brudd på utlånsreglementet kan medføre tap av låneretten.

*Godkjent legitimasjon vil i denne sammenheng seie legitimasjon med bilete og eitt av desse tre typane identifikasjonsnummer: Norsk personnummer, D-nummer eller DUF-nummer.