I den tredje boka om Bergfri kjenner ho seg einsam og ønskjer seg ein kattunge. Det får ho av morfar på holmen. Men det er ingen vanleg kattunge. Han veks og veks, og snart er han stor som ein sau. Bergfri får hjelp av Kakaoen, som kjem med helikopteret sitt for å levere katten attende. Men katten berre veks og veks, og ein leiken kattunge på storleik med ein okse er ingen spøk. Dei må hente mormor, verdas klokaste kvinne, for å løyse problemet. Forfattaren brukar mønster frå barns eigne forteljingar når han fabulerer, og Malgorzatas Piotrowskas fargerike og særmerkte akvarellar gjev fantasileiken eit løft. Nyn. Cappelen, 1999.
