Hulda Garborg, kona til Arne Garborg, var ein mangfaldig og samansett kulturpersonlegdom - teatermenneske, forfattar og politisk engasjert debattant. Ho var revolusjonær og provoserende på fleire område, ikkje minst fordi ho var kvinne - og ho har vore til dels usynleggjort i ettertida. Tor Obrestad tek i denne biografien for seg livet og innsatsen hennar i stor breidd. Da boka kom ut fyste gong i 1992, sa Tor Obrestad sjølv: "Boka er skriven i flukt med biografien om Arne Garborg, og kan med fordel lesast i samanheng med den. Har prøvt ikkje å repetera, slik at bøkene samla gir uttrykk for det eg veit om desse to forfattarane." Boka kjem ut på ny i høve det store Arne Garborg-jubileet i 2001, som markerer 150-årsdagen for fødselen hans. Illustrert med fotografi i svart/kvitt. Med oversikt over bøker av Hulda Garborg. Register.
