På tur i skogen finn frosken ein liten bjørn liggjande i graset med ei tåre på kinnet. Han bestemmer seg for å ta bjørnen med heim, men på vegen møter han både grisen og haren. Dei trur bjørnen berre er eit leikedyr og kan ikkje forstå at frosken kallar han ein venn. Frosken set likevel i gang med ulike formar for opplæring, og til alles undring byrjar bjørnen ein dag å snakke. Frosken er umåteleg lukkeleg og det er gode tider, heilt til bjørnen ein dag bestemmer seg for å dra attende dit han kom frå. Eit fint samspel mellom tekst og enkle, fargesterke illustrasjonar gjer dette til ei uttrykksfull biletbok. Samlaget, 2002.
