Marcus Yallow er ein gjennomsnittleg 17-årig high school-elev, men langt over gjennomsnittet når det gjeld datakunnskap. Han er hackar og rollespelnerd, og ein som stadig vekk tullar med overvakingssystemet på skolen. Bay Bridge i San Francisco blir sprengd i lufta, og Marcus og vennene hans er på feil stad til feil tid. Dei blir pågripne og tekne med til ein forhøyrsleir dei ikkje veit kvar ligg. Tryggleiksdepartementet mistenkjer Marcus for å vere involvert fordi han har elektronisk utstyr med seg som er sikra og omprogrammert på eit vis berre ein hackar kan få til. Då startar den vanskelege kampen mellom David og Goliat. Dette er ein thriller om blant anna overvaking, terror, data, politikk og kjærleik. Spenning for ungdomstrinnet.
