Laura er skolejente og blir smitta av lus. Faren som er fiskebåt-reiar og rikaste mannen i byen, vil ikkje høyre snakk om lus når Laura forsiktig nemner at ho kanskje har noko som klør i hovudet. Det var slikt fattigfolk hadde før i tida. Det klør, men Laura veit korleis lusa smittar og derfor tek ho hatten til faren og prøver den. Både Laura og faren blir avlusa, og faren skjøner at lusa ho smittar både fattige og rike. Historia er kort, men morosam og godt fortalt. Det er god rytme i språket. Denne setninga går att gjennom heile forteljinga: "Har du først ei, har du tjuefem av dei". Einfår inntrykk av at lusa myldrar. Illustrasjonane til Alf-Kaare Berg kler teksten godt. Det er overraskande utsnitt og viklingar. Samlaget, 1996. 42 s.,ill. Ill.: Alf-Kaare Berg.