Mali er 79 år gammal og har budd heime fram til no. Men helsa skrantar, og ho må på avlastning på sjukeheimen. Det startar ein prosess i henne. Ho byrjar å gruble over livets små og store tilfeldigheiter - det som vart noko av, det som aldri vart noko av, og det som vart skjult. Kvifor gjekk det så gale mellom ho og sonen Thomas, det einaste barnet ho fekk? Og kva med den avdøde søstera Jenny, som var grunnen til at ho sjølv kom til verda? «Premien for alt» er ein roman som med humor og alvor skildrar eit liv som går mot slutten. Det handlar om å tenkje klårt, men likevel vere heilt avhengig av andre for å halde det gåande. Om alt som ikkje blir sagt og alt ein skyv frå seg, heilt til det siste. Omtalen er utarbeidet av BS.
