promus

Norsk (nynorsk)

Her kjem sola er ei kjærleikshistorie som leitar etter håp i menneskeleg kommunikasjon. Det handlar om kvifor kvinner held fram med å leve etter at dei ikkje lenger er reproduktive, om rykte, spekulasjonar, brystvorter, naturskildringar, vaginaer og sjeler, sterk lengt og sterkt vennskap.

Her kjem sola

I eit blandingstidpunkt mellom år 900 og vår tid vaknar dronning Gunnhild, kona til Eirik Blodøks, opp i ei sjukeheimsseng. Ho føler på seg at hennar hovudfiende, skalden Egil Skallagrimsson, er på veg, og ho bestemmer seg for at dette er det siste høvet ho har til å få endra oppfatninga ettertida har hatt av henne som ei vond, maktgrisk og herskesjuk dronning. Tenaren hennar, Apollonia, Baudelaire sin advokat i rettssaka mot han i 1857, har derimot sleppt taket i alle hemntankar, men hjelper likevel til. Og som alltid dukkar Rottejomfrua opp, med sine evinnelege spørsmål om kva som eigentleg gneg inst i hugen, og vesle Eyolf kan ikkje gjere anna enn å henge sørgmodig etter.

Gunnhild, kona til Eirik Blodøks

Hjartet i skalkeskjulet inneholder ni essays om kunst, litteratur, film, inspirasjon og skrift. Gjennom ei dels personleg, poetologisk undersøking og lesingar av forfattarar og kunstnarar som Edvard Munch, Nikolai Astrup, Mary Ruefle, Claire-Louise Bennett og Andrej Tarkovskij, dreier tekstane kring litterære transformasjonspunkt, abstraksjon og realisme, skaping og omskaping. Om Hjartet i skalkeskjulet er ein assosiativ, glimtvis memoar om til dømes å stå til knes i iskald møkk, handlar det også om arbeidet med første person eintal, om dramaturgi og om komikk. I si tredje essaysamling leverer Gunnhild Øyehaug ein rik, tankeopnande og poetisk refleksjon om litteraturens evne til både fantastisk forvandling, og til fasthalding av noko tenkt, levd og erfart.

Hjartet i skalkeskjulet

Dette er ein novellesamling om kjærleik, død og opprør, om å bli verande den same eller gjennomgå metamorfose. Nokon må finne ut kva dei skal gjere når dei plukkar vonde blomar, og nokon må finne ut kva dei skal seie i opningstalen til det flunkande nye museet deira som har sokke i jorda. Nokon har lengta etter å besøke dei hvite klippene ved Dover, men no er dei død. Gunnhild Øyehaug er universitetslektor i litteraturvitskap og lærar ved Skrivekunstakademiet i Hordaland. Ho har blitt tildelt fleire prisar for bøkene sine, mellom anna Bergensprisen for novellesamlinga «Knutar» (2004). Omtalen er utarbeidd av BS.

Vonde blomar

Anna og Laura er mor og dotter. Då verda, ei gong på 90-tallet, splittast i to parallelle univers, vert dei fanga i kvar sin del. 25 år seinare har livet gått vidare som om ingen ting hende, men i liva til både mor og dotter kjennast det som om noko er heilt gale. Romanen handlar djupast sett om den eksistensielle einsemda som aldri kan bøtast for godt, og om kjærleiken som heller ikkje kan det. Omtalen er utarbeidd av BS.

Presens maskin

Novellene i denne samlinga er prega av både humor og absurdisme. Tekstane handlar mellom anna om ein neglelakkfjernar som virkar litt for godt, ei kvinne som konstant drøymer om noko anna, invasjon frå mars, ein litteraturprofessor som hamnar i eit mareritt og ein litt uvanleg tale til konfirmanten. Omtalen er utarbeidd av BS.

Draumeskrivar

Undis Brekke har akkurat flytta tilbake til heimbygda. Der skal ho jobbe som norsklektor, enda ho er utruleg lei av studentar. Undis har forlatt den kvinnelege sambuaren sin og tilværet som først bejubla, no lettare nevrotisk forfattar. Ho har berre skrive ei bok hittil. Undis vender heim akkurat i tide til å få med seg den årlege julemiddagen til høgskulen sitt nordiskkollegium. På festen blir ho konfrontert med bitar av barndom, ungdom og tidleg vaksendom som ho hittil har prøvd å feie under teppet. «Undis Brekke» er ein roman om kjærleik, ekskjærastar, pms, skrivesperre, svik, håp, angst og foreldre.

Undis Brekke

"Vente, blinke" er en roman som inneholder flere historier. Vi møter litteraturstudenten Sigrid, forfatteren Kåre, filmregissøren Linnea, fiskehandlerdatteren Elida, litteraturstudenten Viggo og performancekunstneren Trine. Dette er en bok om kjærlighet, drømmer, lengsler og drifter.

Vente, blinke

Samlinga består av 27 korte noveller som fortel om mentale, seksuelle og familiære band, om kjærleik, innfløkte, nødvendige og uunngåelege situasjonar, om forknytte og ikkje fullt så forknytte menneske. Ein misnøgd hjort, ein mann som er knytt til mora si gjennom ein ubryteleg navlestreng og ei ung kvinne som er hemmeleg forelska i sin dødssjuke besteven, er blant karakterane vi møter.

Gunnhild Øyehaug

Som forfattar

Emne knytt til Gunnhild Øyehaug

Kontakt

Info

Sånn bruker du biblioteket

Nettstaden

Kontakt

Info

Sånn bruker du biblioteket

Nettstaden

Gunnhild Øyehaug

Som forfattar

Her kjem sola : roman

Gunnhild, kona til Eirik Blodøks : skodespel

Hjartet i skalkeskjulet : essays

Vonde blomar : noveller

Presens maskin : roman

Draumeskrivar : noveller

Undis Brekke : roman

Vente, blinke

Knutar : noveller

Emne knytt til Gunnhild Øyehaug

Kontakt

Info

Sånn bruker du biblioteket

Nettstaden